|
| Foreign language articles - Артыкулы на беларускай мове | |
|
Беларуская Грэка-Каталіцкай Царква сёньня
Архіпастырам Беларускай Грэка-Каталіцкай Царквы (БГКЦ) зьяўляецца прэфект Кангрэгацыі Усходніх Цэркваў кардынал Леанардо Сандры. Кіраўніцтва штодзённым жыцьцём Царквы ажыцьцяўляе Апостальскі Візітатар “ ad nutum Sanctae Sedis ” для грэка-католікаў Беларусі архімандрыт Сяргей (Гаек). Ён склікае сынаксы для вырашэньня найбольш важных праблем духавенства БГКЦ. У склад духавенства БГКЦ на дадзены уваходзяць 16 сьвятароў: - протапрэзбітар Андрэй Абламейка, - протапрэзбітар Лявонцій (Тумоўскі), - протапрэзбітар Віктар Данілаў (на пенсіі), - сьвятар Андрэй Буйніч, - сьвятар Зьміцер Грышан, - сьвятар Ігар Кандрацьеў, - сьвятар Андрэй Крот, - сьвятар Казімір Ляховіч, - сьвятар Яўген Маліноўскі, - сьвятар Пётр Мартэн, - сьвятар Андрэй Сідаровіч MIC , - сьвятар Яўген Усошын, - сьвятар Аляксандр Шаўцоў, - сьвятар Аляксандр Шыбека, - сьвятар Пахом Кавалёў (працуе ва Украіне), - сьвятар Васіль Ягораў. У духоўных навучальных установах вучацца 9 семінарыстаў, у тым ліку два манаха-рэдэмптарысты. * * * Беларуская Грэка-Каталіцкая Царква падзяляецца на два протапрэзьбітэраты (дэканаты) – Цэнтральна-заходні імя блаславёнага Мікалая (Чарнецкага) і Ўсходні імя сьвятога Язафата. Цэнтральна-заходні протапрэзбітэрат (г. Мінск, Брэсцкая, Гродзенская і Мінская вобласьці) узначальвае протапрэзбітар Андрэй Абламейка. Пад яго кіраўніцтвам знаходзяцца 12 наступных парафіяў:- Праведнага Язэпа (Менск), - Сьвятога Духу (Менск), - Божай Маці Нястомнай Дапамогі (Менск), - Сьвятога Міколы Цудатворцы (Менск), - Пакрова Найсьвятой Багародзіцы (Мар’іна Горка), - Сьвятых роўнаапостальных Кірылы і Мятода (Баранавічы), - Сьвятых братоў-апосталаў Пятра і Андрэя (Брэст), - Маці Божай Фацімскай (Гродна), - Жыровіцкай Божай Маці (Івацэвічы), - Сьвятога Язафата (Ліда), - Хрыста Чалавекалюбцы (Маладзечна), - Сьвятога Кірылы Тураўскага (Пінск), - Сьвятой Тройцы (Слонім). Усходні протапрэзбітэрат узначальвае іераманах Лявонцій (Тумоўскі), які адначасова зьяўляецца настаяцелем манастыру імя сьвятых Барыса і Глеба ў Полацку. У склад протапрэзбітэрату ўваходзяць 6 парафій: - Уваскрасеньня Хрыстовага (Віцебск), - Хрыста Збаўцы (Віцебск), - Трох Сьвяціцеляў (Гомель), - Бялыніцкай іконы Божай Маці (Магілёў), - Пакрова Найсьвятой Багародзіцы (Ворша), - Сьвятамучаніка Язафата (Полацак). * * * БГКЦ мае шчыльныя стасункі зь беларускімі грэка-католікамі ў замежжы. Кіраўніцтва царкоўным жыцьцём за мяжою (у Заходняй Еўропе і Амерыцы) ажыцьцяўляе Апостальскі Візітатар для беларускіх грэка-католікаў замежжа мітрафорны протаярэй Аляксандр Надсан. Дзейнічаюць парафіі Апосталаў Пятра і Паўла (Лондан) і Ўваскрасеньня Хрыстовага (Антвэрпэн). Акрамя а. Аляксандра Надсана, у замежжы служаць сьвятары а. Ян Майсейчык, а. Ігар Лабацэвіч, а. Сяргей Стасевіч.
Аўтар: Анатоль Сiдарэвіч, крыніца: www.svjazep.org, 26.07.2008.
|
|
| Ostatnia aktualizacja ( Saturday, 17 April 2010 ) | |
| Następny > |
|---|
